အလွမ်းရာသီ

ဆောင်းရာသီဝတ်ရုံနဲ့
နှင်းမှုံစက်တွေခြုံပြီး နင်ရောက်လာတယ်
အဲဒီဆောင်းမှာ အလွမ်းတွေကပ်ပါလာတက်မှန်းသိရင်
ငါ မရူးသွပ်ခဲ့ပါဘူးကွယ်

ဝင်လာတုန်းကခြေသံပြင်းသလောက်
ပြန်ထွက်သွားတော့တိတ်မှောင်လွန်းတယ်
ကောင်မလေးရယ်
အဲဒီ(နင်ရောက်လာတဲ့)နေ့က
နှင်းတွေတအားကျတယ်

အခုတော့ နှင်းစက်တွေအစား
ငါ့အလွမ်းတွေသာတဖွဲဖွဲကြွေ
လေတစ်ချက်အဝှေ့မှာ
ကြွေလွင့်သွားတဲ့စိတ်အစဉ်ဟာ
ပြန်ဖမ်းဆုပ်ဖို့မလွယ်အောင် ထိလွယ်ရှလွယ်
အိမ်မက်တွေထဲ
အခါခါသေခဲ့ရတဲ့ကောင်
ခင်တွယ်စရာမရှိအောင် ဘ၀ကမှောင်ခဲ့

အဲဒီနောက် ငါ့ဘ၀ထဲမှာ
ဆောင်းအသေတွေ အခါခါပွင့်ခဲ့
နင်ထွက်သွားတော့ ပွင့်ကျန်ခဲ့တဲ့တံခါးတစ်ချပ်မှာ
ခံစားမှုတွေအေးခဲခြောက်ကပ်
ငါ့အသက်ဓါတ်ရှင်သန်မှုက
ဟိုတုန်းကလောက်အဓိပ္ပါယ်မပြည့်ဝတော့တာကလွဲရင်
ငါ နင့်ကိုချစ်နေတုန်းပဲ

ပြန်မလာတော့မှန်း သိပေမဲ့
နှင်းတွေ
နောက်တစ်ခါများဝေဦးမလားလို့
ငါလေ
ဆောင်းရောက်တိုင်း ခေါင်းထောင်ကြည့်ဖြစ်တုန်းပဲ.......။

ိ့

အိမ်မက်ဝေးလွင့်

တစ်နေ့မြင်ရနိုး
တစ်နေ့မြင်ရနိုး..လက်ချိုးရေခဲ့
နေ့ရက်တွေ
တစ်ရာသီပြီးတစ်ရာသီသာ အရေခွံလဲသွားကြ
မျှော်လင့်ချက်က တစ်နေ့တစ်ခြားအိုစာလာခဲ့
အမူအကျင့်တွေကလဲ တေလေဆန်လာခဲ့
စောင်းပါးရိပ်ချေ မလိုတမာမှုတွေလဲ
ဥပေက္ခာစာရင်းမှာ ဆံကာတင်လိုက်ပါတော့
ခင်ဗျားတို့အမုန်းဆုံးလူဟာ
ကျုပ်ဆိုတာသေချာသွားပြီလား
ခင်ဗျားတို့သိသလား
သူမက ကျုပ်ရင်ဘတ်ထဲ
နေလိုလလို
အမြဲတမ်း လင်းတယ်ဆိုတာ

ဘာဖြစ်လဲဗျာ
အသဲကွဲလို့သောက်သောက်
စိတ်ညစ်လို့သောက်သောက်
ကိုယ့်အတ္တကိုပြန်မြိုချရတာလောက်တော့
မသတီစရာမရှိပါဘူး
ဟောဒီအနူလက်နဲ့ နှိုက်ရမယ့်
ရွှေခွက်လဲမရှိမှတော့
ကျုပ်လက်တွေကိုလဲ
အထူးတလည်ဆေးကြောမနေတော့ပါဘူး
ခင်ဗျားတို့ပြောသလို
ကျုပ်တူးရမယ့်သိုက်လှလှလေးက
ဟောဒီရင်ဘတ်ကို စုံကန်သွားမှတော့
လောကကြီးရေ
ခင်ဗျားနဲ့ကျုပ်
ခွက်စောင်းခုတ်နေလို့လဲ
ကျုပ်တို့ရဲ့ညနေတွေက
အရင်ထက်လှလာဦးမှာမို့လို့လား
ကဗျာဆရာတစ်ယောက်ပြောဘူးသလို
ကိုယ့်အနာကို ပြန်လျှက်ပြီးသာ
ငြိမ်းချမ်းလိုက်ကြပါစို့ဗျာ....................................။

လေးစားနေမိတဲ့ စကားလေးတွေ

ကျွန်တော် ဒီပို့စ်ကို ရေးမယ်ဆိုတော့ နဲနဲတော့ စဉ်းစားရပါတယ်။ ဘာလို့လဲ ဆိုတော့ ကျွန်တော်က ဘာသာရေးသမားလဲ မဟုတ်ဘူးလေ။ ဘာသာရေးသမား မဟုတ်ဘူးဆိုတာက ဘာသာရေးနဲ့ပက်သက်ပြီး ပေါက်ပေါက်မြောက်မြောက် မလုပ်ဖြစ်ဘူးပေါ့ဗျာ။ နောက်ပြီး ကျွန်တော့်ဘလော့ကလဲ ဘာသာရေးဘလော့ မဟုတ်လေတော့ ဘယ်လိုရေးမလဲပေါ့ စဉ်းစားရတယ်။

ကျွန်တော်ရေးချင်တာက ကျွန်တော်ကျောင်းသားဘ၀ တုန်းက ကြားသိခဲ့ရတဲ့ တန်ဖိုးရှိတဲ့ စကားလေးတွေ အကြောင်းပါ။ ဘာသာတရား ယုံကြည်ကိုးကွယ်မှုနဲ့ စပ်ဆက်တယ်ပေါ့နော်။ အဲဒါက ဘာလဲဆိုတော့ ကျွန်တော် ကိုးတန်းနှစ်တုန်းက သူငယ်ချင်းအိမ်အလည် လိုက်သွားတုန်းက သူ့အဖွား ဆီက ကြားခဲ့ရတာပါ။ သာမန် မြန်မာလူမျိုး ၊ဗုဒ္ဓဘာသာဝင် တစ်ယောက်ဆီက အဲစကားကြားရရင် ကျွန်တော် သိပ်ပြီးအံ့သြမိမှာ မဟုတ်ပါဘူး။ အခုကဟာက အဲဒီအဖွားက အစ္စလာမ်ဘာသာဝင်တစ်ယောက် ဖြစ်နေတာ၊ပြီးတော့ သူပြောတဲ့ အကြောင်းအရာက ဗုဒ္ဓဘာသာနဲ့ စပ်ဆိုင်နေလို့ပါပဲ။

နဲနဲတော့ရှင်းပြမှ ဖြစ်မယ်ထင်တယ်။ ဒီလိုပါ ကျွန်တော်တို့ တွဲဖက်အထက်တန်းကျောင်းက ဟင်းငူဆိုတဲ့ မွတ်စလင်ရွာကြီးဘေးမှာ တည်ထားတာပါ။ အဲတော့ ကျွန်တော်တို့လဲ အဲရွာကကျောင်းသားတွေနဲ့ ဘော်ဒါဖြစ်တော့ သူတို့အိမ်တွေဘာတွေ လိုက်လည်တာပေါ့။ အဲလို တစ်ရက် နေ့လည် ထမင်းစားကျောင်းဆင်းတော့ အဲဒီရွာက သူငယ်ချင်းနဲ့လိုက်သွားခဲ့တယ်။ သူတို့အိမ်ရောက်တော့ အိမ်အောက်က တန်းလျားပေါ်မှာ သူ့အဖွားက ထိုင်နေတယ်။ ကျွန်တော်လဲ ဟိုအကြောင်းဒီအကြောင်းတွေ သူ့အဖွားနဲ့ပြောရင်းနဲ့ ဘာသာရေးနဲ့ဆိုင်တာတွေ လျှောက်မေးမိတာပေါ့။

အဲမှာ အဲဒီအဖွားက ကျွန်တော့်ကို ပြောပြတယ်။ ဘာသာတရား ယုံကြည်သက်ဝင်မှုနဲ့ ပက်သက်လို့ပေါ့။ တစ်ခါက ဗုဒ္ဓဘာသာ သီလရှင်ကျောင်းတစ်ကျောင်းမှာ သီလရှင်နှစ်ပါး သီတင်းသုံးကြတယ်။ သူတို့ကျောင်းဘေးမှာက စေတီတစ်ဆူရှိတယ်။ သီလရှင် နှစ်ပါးစလုံးက မနက်တိုင်းမှာ အဲဒီစေတီတော်ပေါ်မှာ တံမြက်စည်းလှည်း၊ ဘုရားပန်းလဲ၊ ပန်း၊ရေချမ်း၊ ဆီမီးကပ်လှူ ဘုရားဝေယျာဝစ္စ အကုန်လုပ်ကြတယ်။ ဒါပေမဲ့ အဲလို ကုသိုလ်ကောင်းမှု လုပ်တာချင်းအတူတူ တစ်ပါးကတော့ လာဘ်လာဘ ပေါများပြီးတော့ နောက်တစ်ပါးကတော့ လာဘ်လာဘ သိပ်မရဘူးတဲ့။

အဲတော့ လာဘ်လာဘ နည်းတဲ့ သီလရှင်က သူ့အဖော်သီလရှင်ကိုမေးတာပေါ့ နင့်ကျတော့ လာဘ်လာဘပေါများပြီး ငါ့ကျတော့ ဘာလို့မရတာလဲ။ နင်နဲ့ငါ ကုသိုလ်ပြုတာချင်းတူတာတောင် ဘာလို့ နင့်မှာသာ လာဘ်လာဘပေါများနေပြီး ငါ့မှာကျ မရရတာလဲ လို့မေးတယ်တဲ့။ အဲတော့ လာဘ်လာဘ ပေါများတဲ့ ဆရာလေးက ပြန်ဖြေတယ်။ "ငါက ဘုရားရှင်ကို ဆည်းကပ်တာ၊ ဘုရားရှင်ကို ကြည်ညိုလို့ ယုံကြည်သက်ဝင်လို့ ကိုးကွယ်တာ၊ဆည်းကပ်တာ ။ လာဘ်လာဘကို မျှော်ကိုးပြီး ရရပါလို၏ ဆိုပြီး ဆည်းကပ်တာမျိုးမဟုတ်ဘူး။ နင်ကတော့ လာဘ်လာဘ အတွက်သာ ဆည်းကပ်တာ ဖြစ်ပြီးတော့ အမှန်တကယ် ယုံကြည်သက်ဝင်မှု မရှိတဲ့ အတွက်ကြောင့် နင့်မှာ လုပ်သလောက်မရတာလို့ " ရှင်းပြတယ်တဲ့။

အဲဒီ အဖွားကို ကျွန်တော် တော်တော်လေး လေးစားမိသွားပါတယ်။ အဲဒီ အဖွားကလဲ အဲဒီတရားကို ဗုဒ္ဓဘာသာ ဘုန်းကြီးတစ်ပါးရဲ့ တရားခွေမှာ နာခဲ့ရတာလို့ဆိုပါတယ်။ သူကပြောတယ်၊ ဒီဘုန်းကြီးပြောတာ မှန်တယ် ငါ့မြေးရဲ့ အစ္စလာမ်ပဲဖြစ်ဖြစ်၊ ခရစ္စယာန်ပဲဖြစ်ဖြစ် ၊ ဗုဒ္ဓဘာသာပဲဖြစ်ဖြစ် ကိုယ်ကိုးကွယ်တဲ့ ဘာသာ၊ ကိုယ်ကိုးကွယ်တဲ့ ဘုရားကို အမှန်တကယ် နှစ်နှစ်ကာကာ ယုံကြည်သက်ဝင်ဘို့လိုတယ် ဆိုတဲ့အကြောင်းကို ရှင်းပြပါတယ်။

အစ္စလာမ် ဘာသာဝင် ဖြစ်ပေမဲ့ ဗုဒ္ဓဘာသာ ရဟန်းကဟောတာပဲလို့ အစွဲမထားပဲ ၊ အမှန်တရားကို လက်ခံနိုင်တာကိုလေးစားမိတာပါ။

နောက်တစ်ခုက ဆယ်တန်းနှစ်မှာပါ။ ဆယ်တန်းနှစ်မှာ ကျောင်းမှာညအိပ်ပြီးစာကျက်ကြတယ်။ ည ( ၈) နာရီလောက်ကြတော့ စာကျက်ရတာ ပျင်းလာတာနဲ့ သူငယ်ချင်းတစ်ယောက်နဲ့ လက်ဖက်ရည်ဆိုင်ထိုင်မယ် ဆိုပြီး အဲဒီ ဟင်းငူရွာထဲကို သွားကြတယ်။ အဲမှာ ထိုင်ဖြစ်တာက ကျွန်တော်တို့မိဘတွေ ကျောင်းသားဘ၀တုန်းက ဆရာဖြစ်ခဲ့တဲ့ အငြိမ်းစားဆရာကြီး ဦးခင်မောင်သိန်းရဲ့ ဆိုင်ပေါ့။ စကားပြောသိပ်ကောင်းတယ်၊ သူလဲ အစ္စလာမ်ဘာသာဝင်ပဲ။

သူငယ်ငယ်က အလယ်တန်းကျောင်းကို ကြက်မျှား ဆိုတဲ့ရွာမှာဖွင့်တဲ့ ဘုန်းတော်ကြီးသင် အလယ်တန်းကျောင်းမှာ သွားတက်ရတဲ့အကြောင်းကို ပြန်ပြောပြတယ်။ တစ်ရက်မှာ မိုးတွေက ရွာထားတော့ သူတို့ကျောင်းသွားတဲ့လမ်းမှာ ဗွက်အိုင်ကြီးဖြစ်နေတာ တော်တော်ကိုကြီးတယ်။ ရှောင်ကွင်းသွားလို့လဲ မရဘူး။ ဘယ်သူမှလဲ အဲဒီဗွက်အိုင်ကို မပြုပြင်ကြဘူး။ အဲဒီမှာ အဲဒီဆရာကြီးက အဲတုန်းကတော့ မောင်ခင်မောင်သိန်းပေါ့ဗျာ၊ သူက ဗွက်အိုက်ကြီးကိုကြည့်ပြီး စဉ်းစားတယ်။ အင်း...ဒီဗွက်အိုက်ကြီးကို ဘယ်သူမှလဲ လာပြင်ကြမှာမဟုတ်ဘူး။ ဘယ်ရွာနဲ့မှလဲ မနီးတော့ သီးသီးသန့်သန့် လာပြင်ကြမှာ မဟုတ်ဘူး။

ဒီနားရောက်ရင် နွားလှည်းတွေဆိုလဲ နစ်လို့ နွားတွေဆို တအားရုန်းနေရတယ်။ ကျောင်းသားငယ်လေးတွေဆိုလဲ သွားရလာရ ကသီလင်တဖြစ်တယ်။ ကျောင်းသားတွေအတွက် ပြဿနာသိပ်မရှိပေမဲ့၊ ကျောင်းသူတွေကျတော့ အိနြေ္ဒလဲ ပျက်တယ်။ လူလဲ ဆင်းရဲ၊တိရစ္ဆာန်လဲ ဆင်းရဲနဲ့။ ငါတို့သွားတဲ့လမ်း ငါတို့မှ မပြင်ရင် ဘယ်သူမှ ပြင်မှာ မဟုတ်ဘူးဆိုပြီး သူ့လိုပဲ အဝေးရွာကနေ ကျောင်းလာတက်ကြတဲ့ မြန်မာကျောင်းသား သူငယ်ချင်းတွေကို စည်းရုံးတယ်။ ဒီဗွက်အိုင်ကြီးကို ၀ိုင်းပြီး မြေဖို့ဘို့။

အဲလို စည်းရုံးတဲ့ အခါမှာ ဘယ်လိုပြောပြီး စည်းရုံးလဲဆိုတော့....

"သူငယ်ချင်းတို့ လာကြကွာ၊ ငါတို့တွေ ဒီဗွက်အိုင်ကြီးကို တစ်ယောက်တစ်လက်နဲ့ ၀ိုင်းဖို့လိုက်ကြအောင်။ ဂေါတမ မြတ်စွာဘုရား ဖြစ်လာမယ့် အလောင်းတော် သုမေဓါရသေ့က ဒီပင်္ကရာ မြတ်စွားဘုရား ခြေတော်ရင်းမှာ သူ့ခန္ဓာကိုယ်ကို ၀ပ်စင်းပြီး တံတားခင်းလို့ ဘုရားဆုကိုပန်ခဲ့တာ။ ငါတို့တွေက လက်ကလေးနဲ့သယ်ပြီး မြေကို ဖို့လိုက်ရုံနဲ့ပဲ ငါတို့တွေ ကုသိုလ် ဘယ်လောက်ရမလဲ"

ဆိုပြီးပြောဆိုစည်းရုံးခဲ့တယ်တဲ့။ စဉ်းစားကြည့်ပါ၊ ဒါ သူက အစ္စလာမ် ဘာသာဝင်နော်။ ဗုဒ္ဓဘာသာဝင်တွေကို ကောင်းမှုကုသိုလ်လုပ်ဘို့ စည်းရုံးတာ ဘယ်လောက်လေးစားဘို့ကောင်းသလဲ။

နောက်တစ်ခု၊ တစ်ရက်မှာ သူကျောင်းသွားတော့ လမ်းမှာ ၊နွားလှည်းတစ်စီး သူနဲ့ယှဉ်လျက်သွားနေတယ်။ အဲဒီမှာ နွားလှည်းမောင်းတဲ့သူက ရှေ့ကသူ့နွား ဘာဖြစ်နေတယ်ဆိုတာကို မမြင်ရဘူးလေ။ မောင်ခင်မောင်သိန်းကတော့ မြင်ရတာပေါ့။ နွားရဲ့ နဖားကြိုးက အပေါ်ကိုတက်ပြီး နွားရဲ့မျက်လုံးအိမ်ထဲကို ရောက်နေတာပေါ့။ အဲဒီမှာ နွားကြီးက လမ်းလျှောက်လိုက်တိုင်းမှာ မျက်လုံးကို ကြိုးနဲ့ပွတ်မိတော့ မျက်လုံးကစပ်ပြီး မျက်ရည်တွေကျနေတာပေါ့။ တိရစ္ဆာန်ဆိုတော့လဲ ကြိတ်မှိတ်ပြီးပဲ ဝေဒနာကို ခံစားနေရရှာတယ်။ မောင်ခင်မောင်သိန်းက ကြည့်ပြီးစဉ်းစားတယ်။ ဒီနွားကြီး သနားစရာကောင်းလိုက်တာ ၊ သူဘယ်လောက်နာလိုက်ရှာမလဲပေါ့၊ နွားဆိုတော့လဲ ဘာမှ မပြောတက်တော့ သူ့ခမျာ သခင်ကမမြင်လို့ ပြင်မပေးမချင်း ဝေဒနာကိုခံစားနေရရှာမှာပဲဆိုပြီး၊ နွားကြီးကို ကြည့်ပြီး သနားလာတယ်။ ဒါနဲ့ နွားလှည်းကိုတားလိုက်တယ်။ ပြီးတော့ နွားလှည်းမောင်းလာတဲ့ ဦးလေးကြီးကို ၊အကျိုးအကြောင်းပြောပြပြီး နွားကြီးရဲ့ နဖားကြိုးကို ပြင်ပေးလိုက်တယ်တဲ့။

နွားလှည်းပိုင်ရှင်ကြီးကလဲ ကျေးဇူးတင် ၀မ်းတွေသာလို့ ၊သူကလဲ နွားကြီးရဲ့ ဒုက္ခကို ကယ်တင်လိုက်နိုင်တဲ့အတွက် သူ့မှာ အရမ်းကို ကြည်နူးမိတယ်ပေါ့။ ကျွန်တော်တို့ တော်တော်များများ သိထားကြတာက မွတ်စလင်တွေဟာ ရက်စက်ကြမ်းကြုတ်တယ်။ သနားကြင်နာမှုကင်းတယ်လို့ ယုံကြည်ထားခဲ့ကြတာကိုး။ အဲဒီ ဆရာကြီးက ပြောတယ် ၊ ငါ့တပည့်တို့ ဘာလူမျိုး၊ ဘာဘာသာပဲဖြစ်နေဖြစ်နေ ကောင်းတာလုပ်ရင် ကောင်းတာရမယ်၊မကောင်းတာလုပ်ရင် မကောင်းတာရမယ်။ စိတ်ထားမြတ်ဘို့ လိုပါတယ်တဲ့။ တော်တော်ကိုလေးစားဘို့ ကောင်းပါတယ်။

ကျွန်တော်တို့ကိုလဲ အခွင့်အခါကြုံတုန်းမှာ ပညာကို ယူတက်ဘို့လိုတယ်ဆိုတဲ့အကြောင်းကို ဥပမာလေးပေးပြီး ရှင်းပြပါတယ်။
"မိုးကတော့ ပင်လယ်ထဲရော ၊ မြေကြီးပေါ်ရော သစ်ပင်တွေပေါ်ရော အားလုံးကို ညီတူညီမျှ ရွာချတာပါ။ အဲဒီမိုးစက်တွေ ပင်လယ်ထဲကိုကျတော့ ပင်လယ်ကြမ်းပြင်မှာ ရှိတဲ့ ကမာကောင်လေးတွေက ပျော်ပြီးတော့ အဖုံးကို ဖွင့်လိုက်ပိတ်လိုက်လုပ်ပြီး ကကြတာပေါ့။ အဲဒီလိုကတဲ့ အခါမှာ သဲမှုံတွေက သူတို့မျက်လုံးထဲ ၀င်ပြီး ကျိတ်မိတဲ့အတွက် မျက်လုံးစပ်ပြီး ကျလာတဲ့ ၊ ကမာကောင်တွေရဲ့ မျက်ရည်ကနေ တန်ဖိုးရှိတဲ့ ပုလဲလေးတွေ ဖြစ်လာကြတယ်။ စံပယ်ရုံ နှင်းဆီရုံ တွေပေါ်ကို ကျတော့ လှပမွှေးကြိုင်တဲ့ ပန်းကလေးတွေ ပွင့်လာကြတယ်။ မစင်ပုံတွေပေါ်ကို ကျတော့ မကောင်းတဲ့ အနံ့အသက်တွေ ပတ်ဝန်းကျင်ကို ပျံ့လွင့်ထွက်လာကြတယ်။ ဆရာတွေကတော့ ကျောင်းသားအားလုံးကို တန်းတူသင်ပေးတာပဲ။ ခံယူတဲ့ ကျောင်းသားအပေါ်မူတည်ပြီး ရလဒ်ကွာခြားသွားတယ် "ဆိုပြီး ဥပမာပေးပြီး ပြောပြတယ်။

အခွင့်အလမ်းကို ရယူတက်ရတယ်ဆိုတဲ့ အကြောင်းကိုလဲ စကားပုံလေး တစ်ခုနဲ့ပြောပြသေးတယ် ...
" ကံကောင်းခြင်းများသည် တောအထပ်ထပ်၊ တောင်အစွယ်စွယ်၊ ပင်လယ်ပြင်တွေကို ဖြတ်ပြီး သင့်ဆီသို့ အရောက်လာနေကြသည်။ သို့သော်... သင့်အနေဖြင့် တံခါးထဖွင့်ပေးဘို့တော့ လိုပါသည်" ...တဲ့။
ကံဆိုတာ လူကတစ်ဝက်လုပ်ပေးရတယ်ကွ၊ ကံက လိုက်ချင်ဦးတော့ လူက ပျင်းနေရင် ဘာမှဖြစ်မလာဘူး၊မင်းကိုယ်တိုင်ကမှ တံခါးထဖွင့်မပေးရင် အဲဒီ ကံကောင်းခြင်းတွေလဲ မင်းဆီကို ၀င်လာနိုင်မှာ မဟုတ်ဘူး..တဲ့။

ငယ်ဘ၀မှာ ကြားနာခဲ့ရတဲ့ ဆုံးမစကားတွေ ကတော့အများကြီးပါ။ ဆရာသမားတွေ ၊ လူကြီးသူမတွေ ပြောဆိုဆုံးမတာတွေ။ အဲဒီအထဲကမှ အဲဒီ ဆရာကြီးဦးခင်မောင်သိန်းနဲ့ ကျွန်တော့်သူငယ်ချင်းရဲ့ အဖွားတို့ပြောတဲ့ စကားလေးတွေကိုလဲ ခုထိ မှတ်မိနေပါတယ်။ သူတို့တွေက ဘာသာခြားဖြစ်ပါလျက်နဲ့ ဗုဒ္ဓဘာသာရဲ့ အမှန်တရားတွေကို ယုံကြည်လက်ခံကြတာဖြစ်တဲ့အတွက် ကျွန်တော့်အနေနဲ့ ဒီနေ့ထိ မှတ်မှတ်ရရလဲဖြစ် လေးလဲလေးစားနေမိတာပါ။

သူတို့က အစ္စလာမ် ဘာသာကနေ မပြောင်းဘူးနော်။ ဒါပေမဲ့ ဘယ်ဘာသာက ပြောတာလို့ အစွဲမထားပဲ ဒါဟာအမှန်တရားတစ်ခုပဲ ဆိုတာကို လက်ခံထားပေးနိုင်ကြတယ်။ ခုထိအမှတ်ရနေတယ်၊ ပြန်တွေးမိတိုင်း နားထဲမှာ အတိုင်းသားကြားနေရတယ်။ ကျွန်တော်တို့တွေရော အမှန်တရားတစ်ခုကို အလွယ်တကူ ရှင်းရှင်းလင်းလင်း၊ ဘာအစွဲမှ မထားပဲ ရဲရဲဝံ့ဝံ့ လက်ခံပေးနိုင်ကြရဲ့လား စဉ်းစားမိဘို့တော့ လိုမယ်ထင်တယ်။

ဝေးလွင့်ခဲ့သော နှင်းတစ်စက်

ခြေရာတစ်စုံရဲ့
ရင်းနှီးကျွမ်းဝင်မှုမှာ
အတိတ်ကို ခပ်ပါးပါးဖြတ်နင်းသွားတဲ့
သူစိမ်းတရံဆန်မှုတွေကြား
နှင်းမခြောက်သေးတဲ့မြေပွပွမှာ
သူမနာမည်ကို အထပ်ထပ်ရေးကြည့်ဘူးခဲ့
နင်နဲ့ငါဝေးခဲ့တာ
ငါးနှစ်ကျော်ပြီ ...မိသဇင်

ဒီ့အရင်က
မကြာခဏသတိရမိပါတယ်
နင်နဲ့ငါ ဒီလောက်ထိမဝေးခင်က
ခုလို ပြာမှိုင်းနေတဲ့နှင်းမှုံတွေကြား
နင့်နာမည်ကို ခပ်ဖွဖွလေးရွတ်ကြည့်ပြီး
ပီတိတွေ တစ်ပွေ့ တစ်ပိုက်နဲ့
ဟောဒီလူမိုက်ကလေးရဲ့  ဆောင်းမနက်ခင်းတွေဟာ
နှင်းတွေနဲ့ မှုံဝေလှပခဲ့ဘူးရဲ့ 
ခပ်နက်နက် မျက်စောင်းတစ်ချက်ကလွဲလို့
ထွေထွေထူးထူး မရခဲ့ဘူးပေမဲ့
ငါ့ရင်ထဲ ခုထိသိမ်းထား
သတိရတိုင်းလဲ ထုတ်ထုတ်ကြည့်ဖြစ်တယ်

လှလိုက်တာကွယ်
နှင်းတွေတောင် ဝေလာသလိုပဲ
ရူးသွပ်မှုဆိုတာလဲ ယုံကြည်ချင်းတစ်မျိုးလို့
ဒီနေ့ထိ လက်ခံထားတဲ့ ငါ
တစ်ပါတ်ပြန်လာမယ့် ကံကြမ္မာမှာ
ပြန်ဆုံခွင့်ဆိုတာများပါခဲ့ရင်
ဟန်မဆောင်နိုင်အောင်လိုချင်မိပါရဲ့ 
အလွမ်းတွေနှစ်ကြာလာသရွေ့ 
ဖိသိပ်ခံရတဲ့ မြေကြီးလို
သတိရခြင်းတွေ ပိုမိုခိုင်မာလာ
မေ့မရဘူး မိသဇင်ရယ်
နှင်းမှုံတွေ သယ်လာတက်တဲ့
အတိတ်ရနံ့တွေကြားမှာ
ငါနင့်ကို သတိရနေမိတယ်
ဆောင်းဦးမှာ ဖွေးဖွေးလှုပ်လှုပ်
ပွင့်ဖူးလာတက်တဲ့ဂေါ်သဇင်တွေ
နင်သာ ပန်မယ်ဆိုရင်
ငါ့ရင်တွင်းရာသီမှာ
နှင်းတွေလေ.............................
အခုတောင်ဝေလို့ရတယ်............။

အို...မိခင်

ဘ၀အတွက်တဲ့ လမ်းတစ်ခုကို ရွေးချယ်ခဲ့တုန်းက မိခင်ရင်ခွင်ထဲ နောက်ဆုံးအိပ်စက်ခဲ့။ တားလို့မရ မယ်မှန်းသိသိနဲ့ ပဲ မိခင်ဟာ သားကိုချစ်တဲ့ဇောနဲ့ မသွားပါနဲ့ လားသားရယ်လို့ တားခဲ့ရှာတယ်။ အဲလိုနဲ့ သားဟာ မိခင်ရင်ခွင်နဲ့ နေ့ပေါင်းများစွာ နှစ်ပေါင်းများစွာဝေးလို့၊ ပညာစုံတော့ ခဏပြန်လာတယ်။ မိခင်ဟာ သားကို ၀မ်းသာအယ်လဲ ကြိုဆိုခဲ့ရှာတယ်။ သားကို ရင်ခွင်မှာ ပွေ့ဖက်ပြီး မျက်ရည်တွေနဲ့ ပြုံးနေခဲ့တဲ့မိခင်၊ ၀မ်းသာမှုတွေမဆုံးခင်မှာ သားဟာ နောက်တစ်ခါ ခွဲသွားခဲ့ပြန်တယ်။ တာဝန်ထမ်းရဦးမယ် အမေတဲ့။

အဲဒီလိုနဲ့ သားဟာ ဟိုအရင်တစ်ခါထက် ပိုဝေးတဲ့တစ်နေရာ ထွက်ခွါသွားခဲ့ပြန်တယ်။ စာမလာ သတင်းမကြား၊ သားဘယ်လိုနေရှာ မလဲ၊ ဘာတွေများဖြစ်နေရှာသလဲ လူကလေးရယ်နဲ့ မိခင်မှာ ပူရပြန်တယ်။ ဟောနောက်တစ်ခါ သားပြန်လာပြန်ပြီ။ အမေ့သားလေး၊ လူကလေးရယ် နေနိုင်လိုက်တာကွယ်လို့ သားကိုဖက်ဖက်ပြီး မိခင်ဟာ ငိုရပြန်တယ်။ သားလေး ဆိုင်သာဆိုင် မပိုင်တော့တဲ့ အမေ့သားလေးရယ်၊ စားစားသားရယ် အမေနဲ့ ဝေးတဲ့အချိန်မှာ ငါ့သားလေး ကောင်းကောင်းမှ စားရရဲ့ လား၊ ကောင်းကောင်းမှ အိပ်ရရဲ့ လားနဲ့ သားကို မျိုးစုံချက်ကျွေးရင်း ပင်ပန်းရကောင်းမှန်း မသိရှာတဲ့ မိခင်။

ဟော..လာပြန်ပြီ နောက်တစ်ခါ၊ ဒီတစ်ခါ သွားရမှာဖြင့် အရင့်အရင်ထက်ဝေးတဲ့ နေရာ၊ ရေခြားမြေခြား သားသွားရဦးမယ်တဲ့။ သားရေ အမေ့သားလေး ဘယ်တော့များမှ ငါ့သားလေးကို ပြန်လည်နွေးထွေးခွင့် ရပ့ါမလဲ သားရယ်။ မိခင်ဟာ ငိုရပြန်ပြီလေ။

ခုဆိုရင် အမေနဲ့ သား သတင်းစကားလဲ ပါးဘို့မလွယ်၊ စာတစ်တန်ပေတစ်ဖွဲ့လဲ ရေးဖို့မလွယ်။ နိစ္စဓူဝ အလုပ်တွေ လုပ်ကိုင်နေရင်းကပဲ မိခင်ဟာ လွမ်းဆွတ်နေရှာမယ်။ ဟိုရှေ့  လာလမ်းဆီက သားများလာလေမလားလို့ ၊ ယောင်ယမ်းတမ်းတ မိနေရှာမယ်။သားဝတ်ခဲ့တဲ့ အ၀တ်စားဟောင်းလေးတွေကို ထုတ်ထုတ်ကြည့်ပြီး မိခင်ဟာ အလွမ်းဖြေနေရှာမယ်။ သားကလွဲလို့ ဘာမှပါလာဘို့လဲ မမျှော်လင့်ရှာတဲ့ မိခင်။

တစ်နေရာကနေများ သားပြန်လာပြီဆိုမှဖြင့် သားရယ်၊ အသားတွေညိုသွားလိုက်တာ ၀လာလိုက်တာနဲ့ တကယ်တော့ သားကဘာမှ ထူးထူးထွေထွေ ပြောင်းမသွားပါဘူးလေ။ မိခင်စိတ်ကသာ ဖြစ်နေရှာတာပေါ့။ သားကို ရင်ခွင်မှာအပ်၊ ကျောပြင်လေးကိုသပ်ပြီး စကားတွေ ဖောင်ဖွဲ့နေရရင် တစ်ဘ၀စာ ပြည့်စုံပြီလို့ ထင်ရှာတဲ့ မိခင်မျက်ဝန်းမှာ အခုနေခါ အလွမ်းမိုးတွေ ညို့ နေရှာမယ်။ တစ်ခါတစ်ခါ တစ်ယောက်တည်း သားနဲ့စကားတွေ ပြောနေရှာမယ်။ သားအသက် ဘယ်လောက်ကြီးကြီး အမေ့ပေါင်ကို ခေါင်းခုအိပ်လိုက်တဲ့အခါ လူမမည်ကလေး ပြန်ဖြစ်သွားသတဲ့လေ။ ခုနေခါ မိခင်ရဲ့  လက်တွေဟာ သားကို ပွေ့ ဖက်ထားချင်တဲ့ စိတ်နဲ့ တစ်ခုခု လိုနေရှာမယ်။

ခုနေခါ လစ်ဟာနေသော မိခင်ရင်ခွင်မှာ ဘယ်သူခိုဝင်လေမလဲ။ နူးညံ့နွေးထွေးသော လက်တွေမှာ ဘယ်သူပါးအပ်လေမလဲ။ ချိုအေးသော မိခင်ရဲ့ တေးသံတို့ ဘယ်သူနားဆင်လေမလဲ...။ မိခင် မျက်ဝန်းတို့ မျက်ရည်တို့နဲ့ ရွှန်းစိုသောအခါ ဘယ်သူ နှစ်သိမ့်လေမလဲ..။ သားကိုလွမ်းစိတ်နဲ့ အိပ်မပျော်နိုင်သောညများ ဘယ်ခါလွန်မြောက်ရှာလေမလဲ။ အို.... မိခင်။

(မြန်မာပြည်မှာ လွမ်းနေရှာမယ့် အမေ့ကို မြင်ယောင်မိရင်း သတိရ လွမ်းဆွတ်မိလို့ ရေးလိုက်တာပါ။ အမေ့ရဲ့  မေတ္တာကို ပေါ်လွင်အောင် မဖော်ကျူးနိုင်တာကိုဖြင့် နားလည်ပေးကြစေလိုပါတယ်။)

မောင်နွေသစ်
...........................................................................................................................................................................

ရင့်ကျက်လာတဲ့ အရှုံး

ဟောဒီရင်ဘတ်ထဲ
သိမ်းထားခဲ့ရတဲ့ ခံစားမှုတစ်ချို့
နှစ်ချို့ နေပါပြီ
ဝိုင်တစ်ခွက်ဆိုရင်တော့ တန်ဖိုးကြီးသွားမှာပေါ့
အခုထိတော့ တေးမှတ်သိမ်းထားရတုန်း
လူသိရှင်ကြားတော့ ထုတ်မပြချင်တော့ဘူး
စိတ်နဲ့ အံမ၀င်တဲ့အခါ
အပိုပစ္စည်းဖြစ်နေမယ်လေ
ဒီအတိုင်းထားတာလှပါတယ်တဲ့
ကျုပ်ကတော့ ပြန်ပြန်သပြီး
ခုထိ လွမ်းလို့ ကောင်းတုန်း

ဘာတွေလဲလို့မေးစရာရှိမယ်
ငယ်ဘ၀
လရောင်ဖွေးဖွေး
ကြယ်တွေကိုငေးပြီး အုံ့ဆိုင်းနေတဲ့နှင်းမြူတွေကြား
မြက်ခင်းပြင်မှာ ခြေပစ်လက်ပစ်ထိုင်
လရောင်ကိုငေး သီချင်းလေးတွေဆိုရင်း
ယုံကြည်ချက်ကို ငြင်းခုံခွင့်
စိတ်ဆောင်ရာ စီးမျောနိုင်တဲ့
လူငယ်ဘ၀ရဲ့ လွတ်လပ်မှု
ဘ၀ဆိုတာ ဒီနေ့နဲ့ မနက်ဖန်ကြားမှာ
ဘယ်လောက်တောင် ငြိမ်းချမ်းလိုက်သလဲ
လူငယ်စိတ်မှာ အရာရာဟာလှလို့

ကဲ...ခင်ဗျားလဲ မလွမ်းမိဘူးလား
အနည်းဆုံးတော့
လမ်းဘေး လက်ဖက်ရည်ဆိုင်က
ဟေးလားဝါးလား ညနေခင်းလေးတွေကို
ပြန်လည်ငေးမောနေမိမယ်
လမ်းဘေးအုတ်ခုံက
စုံစီနဖာ စကားဝိုင်းလေးတွေဆီပဲဖြစ်ဖြစ်
ပြန်သွားချင်နေမိမယ်
"ဟေး....ကောင်ကြီး" လို့
နှုတ်မဆက်ရတာလဲ ကြာပြီ
စိတ်လွတ်ကိုယ်လွတ်
မရယ်မောရတာလဲကြာပြီ

တစ်ခုလိုချင် တစ်ခုပေးရတယ်တဲ့
အောင်မြင်မှု ဆိုတာတွေအတွက်
ပျော်ရွှင်မှုတွေကို ချချကျွေး
သက်ပြင်းတွေပဲ အသံရှည်ရှည်လာတယ်
ဒီလိုနဲ့
ရယ်သံတွေ အသေဆန်လာ
စိတ်တွေက ညောင်းညာလို့
ရင့်ကျက်လာပြီဆိုတဲ့ ဘွဲ့ထူးကို
အင်တင်တင်နဲ့ ရဦးမယ်
အလျော်အစားဆန်တဲ့ ဘ၀ထဲ
ပြန်လွမ်းနေမိတဲ့ အရှုံးတွေနဲ့
ရင့်ကျက်လာတာလား
ရင်...ကြပ် လာတာလား
အခုထိ စဉ်းစားနေရတုန်း....................။

ဖတ်ရတာတော့ နည်းနည်း ထောင့်နေမယ်ထင်တယ်။ ကိုယ့်ဘ၀တွေကို ပြန်တွေးကြည့်မိလို့ပါ။ လိုအပ်တာများရှိရင်လဲ မှာကြား....အဲ မှားလို့ အကြံပြုပေးကြပါ။ အားလုံးကို လေးစားချစ်ခင်လျက်....

မောင်နွေသစ်
.........................................................................................................................................................................

ဒါမှ ငါအစစ်

စာကြည့်မယ်ဟ လို့ အားခဲ
စားပွဲမှာ ထိုင်တုန်းရှိသေး
ဝရုန်းသုန်းကား
တိုးဝင်လာတဲ့ အတွေးတွေ
အစီအရီ ချကြည့်တယ်
အရည်မရ အဖတ်မရက နည်းနည်း
တို့တိဇိဇွပ်က မဖြစ်စလောက်
ဟိုမရောက်ဒီမရောက်က တစ်ချို့ တစ်လေ
မရေမရာလေးက ပါချင်ခါ
ဘာမှကို မသေချာဘူး
ဂစ်တာတီးရင်ကောင်းမလား
သီချင်းနားထောင်လိုက်ဦးမှပဲ
ကဗျာလဲ ရေးလို့မရ
စိတ်ညစ်လာတာနဲ့
ဆေးလိပ်သောက်တော့ မီးခြစ်ကမတောက်
တောက်တစ်ချက်ခေါက်ပြီး ထတော့
ခုံစောင်းနဲ့ ခါးကတိုက်
ဒေါသဖြစ်ပြီး ဆဲတော့
လျှာကိုက်မိတယ်
ကဲ...ဘယ်လိုနတ်ဆိုးကများ
ငါ့ကို ကြိမ်ဆဲနေသလဲ
တစ်ချိန်လုံးလွဲနေတာ...ဒါမှငါအစစ်။

မောင်နွေသစ်
..........................................................................................................................................................................